Abstes Breizh 2024
Azezoù bloaziek ar sevenadur en treuzkemm ekologel ha sokial e Breizh

Muioc’h-mui e vez implijet an niverel sevenadurel abaoe ar c’henfinadur. An niverel a ya d’ober 3 pe 4 % eus an dilaoskadennoù gazoù efed ti-gwer (GET) er bed, ha bep bloaz e kresk ar beveziñ a-gaoz d’an niverel (mentad roadennoù, termenelloù, h.a.). Se zo kaoz e tle an aozadurioù sevenadurel adwelet o strategiezhioù neveziñ teknologel. Ret eo deomp en em soñjal war ar c’hementad a danvezioù naturel bevezet ganeomp.

Penaos e c’hall an dud a labour e bed ar sevenadur kavout a-stroll ur respont d’ar goulenn bras-mañ : penaos implijout an teknologiezhioù niverel gant poell evit ma c’hallo ar gennad sevenadurel tremen dreist ar skoilhoù, er mare-mañ ma tle mont gant ar cheñchamantoù sokial hag endroel ?

Atalier kaset en-dro gant Camille Pène, Les Augures.

Gant
• Philippe Denis, den-dave atalierLab, rouedad mediaouegoù an Oriant,
• Estelle Soleillant Trehin, Penn raktres neveziñ niverel e Meurgêr Roazhon.

Er blegenn m’emaomp, gant enkadenn an hin hag an energiezh, eo ret-groñs adsoñjal an implij eus ar savadurioù sevenadurel evit ober ar pezh a zo rekis evit gwareziñ an endro ha war ar memes tro kenderc’hel da zegemer diouzh ar gwellañ an dud, ar skipailhoù hag an oberoù. Diazezet eo ar preder-se war meur a ahel pouezus. Derc’hel a ra kont eus ar sobrentez energiezh, eus an Dizagn energetek® hag eus emdroadur an implijoù. En em soñjal a raimp war ar c’henlabour strizh a zo ezhomm da skoulmañ etre an obererien sevenadurel, an disavourien, ar gêraozourien hag ar c’humuniezhoù evit sevel diskoulmoù nevezus ha padus.

Atalier kaset en-dro gant Romain Boullot, kenurzhier Bretagne Musées.

Gant :

• Raphaël Bezaud, den-dave evit an energiezh e Saumur Val de Loire Tolpad,
• Ronan Mattheyses, rener teknikel Ar wagenn nevez e Sant Maloù,
• Nathalie Gibot ha Fanny Perrier, ALEC Bro Roazhon

Dre emelloù arbennigourien·ezed, kaozeadennoù digor hag atalieroù e kompreno ar berzhidi penaos e c’hall an ekoempentiñ hag al Low-Tech reiñ lañs d’an neveziñ, d’ar c’hrouiñ ha d’ar c’henlabour war meur a dachenn, dreist-holl war hini an arzoù hag hini ar sevenadur.

Atalier kaset en-dro gant
• Antoine Brun , Art contemporain Bretagne, 
• Virginie Seguinaud, Slowfest.

Gant :
• Manon Penel, Slowfest,
• Clément Chabot, ken diazezer Low Tech Lab,
• Marine Ciana, La Petite Populaire – diskoulm sonerezh Low Tech,
• Alexandra Legros, La Volumerie,
• Edgar Flauw, treser / arzour.

Perak ha penaos treuzfurmiñ e aozadur diouzh bevennoù hor planedenn ?

Sachet e vo evezh ar berzhidi war an ezhomm da gemer boazioù nevez evit ma vo padus o obererezhioù : studiet e vo da gentañ ar riskloù liammet ouzh an endro ha da c’houde an oberoù dizarbenn.

Atalier kaset en-dro gant Cyril Delfosse, stummer-kuzulier er Bureau des acclimatations.

Strivoù bras zo bet graet er bloavezhioù diwezhañ evit digarbonañ bed ar sevenadur. Rak un dalc’h pouezusoc’h-pouezusañ eo ar stourm ouzh digresk ar vevliesseurted ha digresk an niver a voudoù bev hag ouzh dreistkorvoiñ an danvezioù naturel. Savet eo bet an atalier-mañ evit lakaat ac’hanomp da gejañ gant meur a oberour engouestlet, d’ober traoù asambles, da anavezout an diaesterioù dibar d’hon tachenn labour, ha da gavout respontoù fetis evit termenañ roll an obererien·ezed sevenadurel.

Atalier kaset en-dro gant Maryline Lair, renerez Kenstroll ar festivalioù.

Gant :
• Marguerite Courtel, Les Augures,
• Maud Bernard, kargad a gefridi – takadoù naturel, Ajañs Breizh ar Vevliesseurted,
• Benoît Bronique, kenurzhier kevreadel FNE-Breizh,
• Printemps Bruyant (da gadarnaat),
• Laurence Lafiteau, stummerez ha kannaderez Ecoprod (da gadarnaat).

Banvezioù keodedel, prenañ pourvezioù ar festivalioù er c’hornad, disko soubenn… Ouzhpenn kemer boued eo debriñ. An dra-se en deus efedoù war an endro, ar gevredigezh, ar sevenadur hag an armerzh. Abaoe ar bloavezhioù 2000 eo cheñchet ar mod da brenañ boued. Ur roll pouezus-bras o deus an tiriadoù hiziv evit bodañ obererien chadenn ar boued : produerien, bevezerien, treuzfurmerien, dilennidi, ingalerien…

Penaos kaout ur sell hollek war ar boued en hor c’horn-bro ? Penaos unaniñ an obererien en-dro da doareoù padus ? Penaos broudañ un treuzkemm agroekologel diwar boued ar vro?

Gant an atalier-mañ e vo kinniget un doare sistemek da blediñ gant al labour-douar hag ar boued, diwar testenioù hag a ziskouezo penaos cheñch boazioù, abalamour deoc’h da grediñ ober memes tra e liamm gant ho korn-bro.

Atalier kaset en-dro gant Blaise Berger, skoazeller raktresoù er c’habined studi Terralim

Gant
• Fabris Trehorel, prezidant Douar den,
• Emilien Mondher, Feurm an derv bras, produer Pie Noire Bretonne ha treuzfurmer produioù laezhennerien,
• Camille Abt, renerez OCTAV,
• Thierry Nicolas, eilmaer evit an endro bevan hag ar fiñvusted, ti-kêr Lanvallay (22).

E-pad an atalier-mañ e klaskimp gouzout hag-eñ e tle / e c’hall bed ar sevenadur bezañ ul lec’h skouer evit ar c’hendivizoù hag an oberoù, abalamour da gemer perzh er c’hendiviz demokratel koulz ha d’en em unaniñ gant ar stourmoù a-fet an endro / ar gevredigezh er vro.

Atalier kaset en-dro gant Olympia Roumier, kargadez buheziñ e Bretagne Tiers-Lieux ha Marie Lebarbier, Réseau Hybrides.

Gant :
• Aleksandra Dergacova ha Paul Meigne – Kenbrezidant·ez Bascule Argoat,
• Juliette Rousseau – skrivagnerez, embannerez, troourez, stourmerez benelour hag ekologourez.